Lestu L-Umbrelel U Ppreparaw Ħa Tisimgħuh Ikarwat!!!
Jidher li hemm bżonn nippreparaw l-umbrelel ħbieb!
It-tieni sistema ta’ maltemp għal din il-ġimgħa bdiet tissaħħaħ fil-golf ta’ Ġenova fil-Majjistral tal-Italja. Din ser tinżel fiċ-ċentru tal-Mediterran u tibda tinteressa lill-gżejjer Maltin mis-Sibt 21/11 filgħaxija sat-Tnejn 23/11.
Arja umda u sħuna mix-Xlokk ser tikkuntrasta mal-arja kiesħa li se tinżel mir-Russja u dan ix-xenarju mistenni joħloq ħafna xita u anke xi maltempati bir-ragħad viċin u fuq il-gżejjer Maltin.
Qed ikun imbassar li minkejja li Novembru kellu l-ewwel nofs tiegħu xott qoxqox, it-tieni parti ser tpattilu sew!
Tħobbuh il-maltemp?
