Malta Post B’Sett Ta’ Bolol Ġdid Li Jikkommemora Lill-Ħaddiema Tas-Saħħa

Malta Post nediet inizjattiva ta’ bolol kommemorattivi bil-għan li jintwera apprezzament għax-xogħol siewi mwettaq mill-ħaddiema tas-saħħa fl-aħħar xhur.

Malta Post ħadet din l-inizjattiva sabiex tagħti ġieħ lill-ħaddiema tas-saħħa għall-isforzi li għamlu u għadhom qed jagħmlu fid-dawl tal-pandemija.

Rappreżentanti ta’ Malta Post iltaqgħu mal-Ministru tas-Saħħa Chirs Fearne li faħħar din l-inizjattiva filwaqt li afferma l-impenn kontinwu tas-settur tas-saħħa sabiex tkun assigurata s-sigurità tal-poplu.